وفاقی وزیر خواجہ سعد رفیق کی ہدایت پر نجی شعبہ میں دی جانے والی تیزگام ایکسپریس کا ٹھیکہ منسوخ کردیا گیا،نجی شعبہ کنٹریکٹ کے مطابق ریلوے کی ادائیگی کو یقینی نہ بنا سکا۔
تیز گام ایکسپریس نجی شعبہ کے ملازمین کی ٹرین کی ڈائننگ کار میں ڈانس کی ویڈیو وائرل ہونے پر نجی شعبہ کا ٹھیکہ منسوخ کر دیا گیا ہے۔ وفاقی وزیر ریلوے خواجہ سعد رفیق کی ہدایت پر یہ ٹھیکہ منسوخ کیا گیا ہے۔
منافع بخش ٹرین کو نجی شعبہ میں دئیے جانے پر پاکستان ریلوے ملازمین اور ٹریڈ یونینز نے بھی تحفظات کا اظہار کیا تھا۔اس سلسلے میں چیف کمرشل منیجر کی جانب سے راولپنڈی لاہور ملتان سکھر اور کراچی ڈویژن سپریٹنڈنٹس کو مراسلہ بھی جاری کیا گیا ہے۔
تیزگام کی ٹکٹس کی آئندہ بکنگ کے لئے ریزرویشن آفس مجاز ہونگے جبکہ نجی شعبہ کی جانب سے ابتک کی گئی بکنگ کے مطابق مسافر سفرکرسکیں گے۔