مدینہ: وزیراعظم شہباز شریف کے لیے روضہ رسول اللہ ﷺ کا دروازہ کھولا گیا۔ وزیراعظم اور وفد نے روضہ رسول اللہﷺ میں نبی آخرزمان ﷺ کے حضور درود و سلام کے نذرانے پیش کیے جبکہ حضرت ابوبکر صدیق اور حضرت عمر فاروق کی قبر انوار مبارک پر فاتحہ خوانی کی ۔
وفاقی وزیر اطلاعات مریم اورنگزیب نے ٹوئٹر پر اپنے پیغام میں کہا کہ سعودی عرب کی حکومت کی جانب سے شہباز شریف کے لیے روضہ رسول صلی اللّٰہ علیہ والہ وسلم کا دروازہ کھولا گیا۔
وزیراعظم نے مدینہ منورہ میں قیام کےدوران 2 مرتبہ روضہ رسول صلی اللّٰہ علیہ والہ وسلم پر حاضری دی، وزیر اعظم نے ملکی سلامتی، ترقی اور سماجی خوش حالی کے لیے دعائیں مانگیں۔