اسلام آباد: ترک صدر رجب طیب اردوان نے میاں شہبازشریف کو وزیراعظم منتخب ہونے پر مبارکباد دی ۔ وزیراعظم شہبازشریف نے ٹیلی فون کرنے اور مبارکباد پر صدر اردوان کا شکریہ ادا کیا اور نیک تمناؤں کا اظہار کیا ۔
نو منتخب وزیر اعظم شہباز شریف سے ترک صدر رجب طیب اردوان نے ٹیلی فونک رابطہ کرکے وزیر اعظم منتخب ہونے پر مبارکباد دیتے ہوئے کہا کہ آپ کے وزیراعظم منتخب ہونے کی خبر پر بے حد مسرور ہوں۔
وزیراعظم شہباز شریف سے گفتگو میں صدر طیب اردوان نے کہا کہ یقین ہے کہ آپ کی قیادت میں پاکستان اور ترکی کے برادرانہ تعلقات میں مزیدمضبوطی آئے گی۔ وزیر اعظم شہباز شریف نے کہا کہ پاکستان اور ترکی بااعتماد بھائی ہیں، دونوں کے تعلقات میں مزید قربت لانا چاہتے ہیں۔
