سری نگر: مقبوضہ کشمیر میں بھارت کی ریاستی دہشتگردی جاری ہے۔ قابض فوج نے انسانی حقوق کے رہنما خرم پرویز کو گرفتار کرلیا۔
کشمیری میڈیا کے مطابق بھارتی فوج نے انسانی حقوق کے علمبردار خرم پرویز کو سری نگر سے گرفتار کیا۔ انسانی حقوق کے متعلق اقوام متحدہ کے کمیشن کی نمائندہ میری لالور نے خرم پرویز کی گرفتاری کی مذمت کی۔
جنیوا میں میری کا کہنا تھا کہ انہیں ڈر ہے کہ بھارتی حکام خرم پرویز کے خلاف دہشتگردی کے مقدمات قائم کریں گے۔ میری کا کہناتھا کہ خرم پرویز دہشتگرد نہیں انسانی حقوق کے علمبردار ہیں۔
حریت کانفرنس کے ترجمان اور دیگر جماعتوں کے ترجمانوں علیحدہ بیانات میں خرم پرویز کی گرفتاری کی مذمت کی۔ اور کشمیری قیدیوں کو رہا کرنے کا مطالبہ کیا۔
