اقوام متحدہ کے سیکریٹری جنرل انٹونیو گوٹریس دو روزہ دورے پر پاکستان پہنچ گئے، وہ سیلاب سے متاثرہ علاقوں کا دورہ کریں گے۔
وزیر مملکت برائے خارجہ امور حنا ربانی کھر نے سیکریٹری جنرل اقوام متحدہ کا استقبال کیا۔ انٹونیو گوٹریس نے پاکستان کے سیلاب متاثرین کے لیئے امداد کی اپیل کی ہے ان کا کہنا ہے کہ پاکستان موسمیاتی تبدیلیوں کی تباہ کاریوں سے نمٹ رہا ہے۔
اقوام متحدہ کے سیکریٹری جنرل اپنے دو روزہ دورے کے دوران سیلاب سے متاثرہ علاقوں کا دورہ کریں گے اس کے علاوہ وہ وزیراعظم، وزیرخارجہ اور دیگر رہنماؤں سے ملاقاتیں بھی کریں گے۔