کراچی: پیپلز پارٹی کا وفاقی حکومت کے خلاف عوامی مارچ مزارقائد سے روانہ ہوگیا۔ بلاول بھٹو نے کہا کہ ہم قائد عوام اور شہید بینظیر کے نامکمل مشن کو مکمل کرنے کے لیے نکلے ہیں۔
چیئرمین پی پی بلاول بھٹو زرداری کی زیر قیادت پیپلز پارٹی کا قافلہ اسلام آباد کی جانب رواں دواں ہے۔ اسٹیل ٹاؤن پہنچنے پر بلاول بھٹو زراری نے اپنے خطاب میں کہا کہ اسٹیل مل کی بنیاد میرے نانا نے رکھی تھی۔ اسٹیل مل ملازمین کو ان کا حق دلواکر رہونگا۔ عمران خان نے لوگوں کو روزگار دینے کی بات کی تھی لیکن لوگوں کا روزگار چھین لیا گیا۔
پیپلز پارٹی کے چیئرمین بلاول بھٹو زرداری کا کہنا تھا کہ ہم نہ صرف 1973 کے آئین کا تحفظ کریں گے بلکہ ہم ہر پاکستانی کے حقوق کا بھی تحفظ کریں گے۔