کراچی: کراچی میں ماہ مارچ میں گرمی کا اب تک کا ریکارڈ ٹوٹ گیا۔
کراچی میں بدھ کے روز شدید گرمی پڑی اور پارہ 42.5 ڈگری سینٹی گریڈ تک جا پہنچا۔
بارہ سال قبل کراچی میں 20 مارچ 2010 کو زیادہ سے زیادہ درجہ حرارت 42.2 ڈگری سینٹی گریڈ ریکارڈ کیا گیا تھا۔ جبکہ مارچ کا اوسطا درجہ حرارت 32.6 ڈگری سینٹی گریڈ ہے۔
آج ہوا میں نمی کا تناسب 9 فیصد ریکارڈ کیا گیا۔
محکمہ موسمیات کے مطابق گرمی کی حالیہ لہر یکم اپریل تک جاری رہے گا۔