انسداد دہشت گردی عدالت اسلام آباد نے پارلیمنٹ حملہ کیس کا فیصلہ سنادیا ۔اے ٹی سی اسلام آباد نےصدر عارف علوی سمیت تمام نامزد ملزمان کو بری کردیا۔اے ٹی سی اسلام آباد کی جانب سے وفاقی وزرا اور پی ٹی آئی رہنماوں کی بریت کی درخواستیں منظور کرکی گئیں۔
انسداد دہشتگردی عدالت کے جج محمد علی وڑائچ نے پارلیمنٹ حملہ کیس میں بریت کی درخواستوں پر فیصلہ سنا دیا۔ صدرعارف علوی کیس میں بری ہوگئے ، شاہ محمود قریشی، اسد عمر، پرویزخٹک، عبدالعلیم خان،جہانگیرخان ترین، شوکت یوسف زئی اوراعجازچوہدری کی بھی بریت کی درخواستیں منظورکرلی گئیں۔
عدالت وزیراعظم عمران خان کو اس مقدمے میں پہلی ہی بری کرچکی ہے۔ دوہزار چودہ میں مسلم لیگ ن کے دورحکومت میں تحریک انصاف کے دھرنے کے دوران پارلیمنٹ پر حملے کا مقدمہ ایک سو تیس افراد کیخلاف درج کیا گیا تھا جس میں عمران خان،عارف علوی سمیت تحریک انصاف کے گیارہ رہنماؤں کو بھی نامزد کیا گیا تھا۔ مجموعی طور پر اس مقدمہ میں انہتر ملزمان کو بری کیا جاچکا ہے۔
