وزیراعظم پاکستان شہباز شریف نے ٹوئٹ کیا ہے جس میں انہوں نے قطر کے امیر تمیم بن حماد کا شکریہ ادا کیا۔
وزیراعظم شہباز شریف نے کہا ہے کہ پاکستان اور قطر کا مستقبل کا ایک واضح وژن ہے۔ قطر سے وطن واپسی کے موقع پر ایک ٹوئٹ میں وزیر اعظم نے کہا کہ وہ قطر کی حکومت اور عوام بالخصوص اپنے بھائی تمیم بن حماد کے مشکور ہیں۔ پاکستان اور قطر کا مستقبل کا ایک واضح وژن ہے جس کا مقصد بدلتی ہوئی دنیا میں نئے مواقع اور راہیں پیدا کرنا ہے۔
